Исландиянинг энг машҳур футболчиси Эйдур Гудйонсен футболчилик фаолиятини якунлади.

Fotbollskanalen хабарига кўра, 38 ёшли футболчи бундан буён профессионал даражада тўп сурмайди, аммо ҳаваскорлар даражасида ўйнаши мумкин.

«Менимча ҳеч қачон футболни тарк эта олмайман. Қанча қўлимдан келса, шунча ўйнайман» - деди Гудйонсен.

Гудйонсен ўз фаолияти давомида 10та давлатдаги 17 клубда тўп сурган. Булар қаторида «ПСВ Эйндховен», «Болтон», «Челси», «Барселона», «Монако», «Тоттенҳэм», «Сток Сити», «Фулҳэм» номлари бор. Эйдурнинг охирги клуби Ҳиндистондаги «Пуна Сити» бўлди. Гудйонсен Исландия терма жамоаси сафида 88 марта майдонга тушган ва 26 гол урган. У ўз мамлакатида 7 марта энг яхши футболчи сифатида тан олинган.