Londonning “Chelsi” klubi sobiq futbolchisi Grem Le So hozirda Angliyaning eng kuchli hujumchilari Alvaro Morata va Romelu Lukakularning imkoniyatlari haqida fikr bildirdi.

“Morata “Everton” va “Lester”ga qarshi uchrashuvlarda o‘zini ijobiy tomondan ko‘rsatdi va har ikki uchrashuvda gol urishni uddasidan chiqdi.

“Chelsi” yozgi transferlar mavsumida Lukaku uchun kurashgandi, ammo baribir Morata variantiga qaytdi.

Ko‘ryapsizki, Morata ham o‘z narxini oqlamoqda. Balki hozir Lukaku Moratadan kuchliroq ko‘rinayotgandir, ammo ispaniyalikda katta salohiyat mavjud.

Alvaro undan hujumchi chiqishiga ishonmaganlarga o‘zini ko‘rsatib qo‘ydi. APLda gol urish har qaysi futbolchiga nasib qilavermaydi”, – deydi Le So Goal nashriga.