Лондоннинг “Челси” клуби собиқ футболчиси Грэм Ле Со ҳозирда Англиянинг энг кучли ҳужумчилари Альваро Мората ва Ромелу Лукакуларнинг имкониятлари ҳақида фикр билдирди.

“Мората “Эвертон” ва “Лестер”га қарши учрашувларда ўзини ижобий томондан кўрсатди ва ҳар икки учрашувда гол уришни уддасидан чиқди.

“Челси” ёзги трансферлар мавсумида Лукаку учун курашганди, аммо барибир Мората вариантига қайтди.

Кўряпсизки, Мората ҳам ўз нархини оқламоқда. Балки ҳозир Лукаку Моратадан кучлироқ кўринаётгандир, аммо испанияликда катта салоҳият мавжуд.

Альваро ундан ҳужумчи чиқишига ишонмаганларга ўзини кўрсатиб қўйди. АПЛда гол уриш ҳар қайси футболчига насиб қилавермайди”, – дейди Ле Со Goal нашрига.