Ламин Ямал ўз фаолиятида учинчи бор Ла Лига ғолибига айланди.
«Барселона» 35-турда «Реал»ни 2:0 ҳисобида мағлуб этиб, сўнгги тўрт йил ичидаги учинчи чемпионлигини расмийлаштирди. Вингер ушбу мавсумларнинг барчасида жамоа сафида майдонга тушган.
Эътиборли жиҳати шундаки, 18 ёшли Ямалнинг Испания олий дивизионидаги ғолибликлари сони 2009 йилдан 2018 йилгача «Реал»да тўп сурган Криштиану Роналдуникидан кўпроқни ташкил қилмоқда. Португалиялик юлдуз мазкур турнирда икки бор (2011/12 ва 2016/17 йилги мавсумларда) зафар қучган эди.
