O‘zbekiston o‘smirlar terma jamoasi U-16 Osiyo chempionatiga saralash bosqichi “A” guruhi dastlabki uchrashuvini Bahraynga qarshi o‘tkazib, 1:0 hisobida g‘alaba qozondi. Bosh murabbiy Dilshod Nuraliyev O‘FF matbuot xizmatiga o‘yin haqidagi fikrlarini bildirib o‘tdi.

“O‘yin oson kechmadi. Birinchi bo‘limda ham, ikkinchi bo‘limda ham ko‘plab vaziyatlar yaratdik, ammo ulardan unumli foydalana olmadik. Bunga kunning issiqligi yoki yigitlarning charchog‘i ta’sir qilgan bo‘lsa kerak. Bahrayn asosan himoyadan o‘ynagani uchun bizga yetarlicha qarshilik ko‘rsatdi.

Muhimi, bugungi o‘yinda biz uchun kerakli 3 ochko qo‘lga kiritildi. Yo‘l qo‘yilgan xatolar ustida ishlab, bo‘lajak o‘yinlarda yaratilgan barcha vaziyatlardan unumli foydalanib qolishga harakat qilamiz”, – dedi Dilshod Nuraliyev.

O‘smirlar o‘rtasidagi Osiyo chempionatiga saralash bosqichi “A” guruhi taqvimi bilan mazkur havolaga o‘tish orqali tanishish mumkin.