Meksikadagi 19 sentyabr kungi zilzila Mexikoning «Amerika» klubiga ham talofat keltirdi.
Poytaxtdagi maktablardan biri qulashi oqibatida halok bo‘lgan 8 yoshli Raul Aleksis Vargas Masias «Amerika» maktabi tarbiyalanuvchisi edi. U maktab qulashi oqibatida halok bo‘lgan 22 o‘quvchi ichida bo‘lgan.
«Sen hamisha biz bilansan, sen bizning qalbimizdasan», deyilgan klubning Instagram ijtimoiy tarmog‘idagi sahifasida.
Meksika janubida 19 sentyabr kuni 7,1 balli zilzila ro‘y berdi va u poytaxtga ham ta’sir ko‘rsatdi. Oxirgi ma’lumotlarga ko‘ra, tabiiy ofat qurbonlari soni 250 nafarga yaqin.
