Мексикадаги 19 сентябрь кунги зилзила Мехиконинг «Америка» клубига ҳам талофат келтирди.
Пойтахтдаги мактаблардан бири қулаши оқибатида ҳалок бўлган 8 ёшли Рауль Алексис Варгас Масиас «Америка» мактаби тарбияланувчиси эди. У мактаб қулаши оқибатида ҳалок бўлган 22 ўқувчи ичида бўлган.
«Сен ҳамиша биз билансан, сен бизнинг қалбимиздасан», дейилган клубнинг Instagram ижтимоий тармоғидаги саҳифасида.
Мексика жанубида 19 сентябрь куни 7,1 балли зилзила рўй берди ва у пойтахтга ҳам таъсир кўрсатди. Охирги маълумотларга кўра, табиий офат қурбонлари сони 250 нафарга яқин.
