"Lokomotiv"ga qarshi o‘yinda g‘alaba goli muallifiga aylangan "Paxtakor" sardori uchrashuv haqida taassurotlari bilan o‘rtoqlashdi.
- Kuchli raqib bilan qiyin bellashuv o‘tkazdik. Biz o‘yin shunday kechishini bilgandik. Zafar quchishimizda yaxshi tayyorgarlikning o‘rni katta bo‘ldi.
Gol urishimga kelsak, bunga alohida e’tibor qaratmagan bo‘lardim. Kim to‘p kiritishining farqi yo‘q, muhimi jamoaviy muvaffaqiyat. Biz bir jamoa sifatida g‘alaba qozondik.
Ishqibozlar bugun bizga ko‘mak berishganini aytgan bo‘lardim. Ular butun uchrashuv mobaynida jamoamizni olqishlab turishdi. G‘alaba bilan muxlislarimizni tabriklayman.
