"Paxtakor" 19-turning kechiktirilgan bellashuvida "Mash’al"ni qabul qildi.
Uchrashuv asosan teng kurashlar ostida kechdi. Mehmonlar yuzaga keltirgan ikki xavfli vaziyatda Suyunov o‘zini ko‘rsatdi. 83-daqiqada o‘yin taqdirini hal qilgan yagona gol urildi. Hoshimovning o‘ng qanotdan jarima maydoniga oshirgan to‘pini Yo‘ldoshev boshi bilan chiroyli sakragan holda darvozaga aniq yo‘lladi - 1:0.
Ushbu g‘alabadan keyin Stanislav Kudryashov shogirdlari 44 ochko to‘plagan holda musobaqa yakka peshqadamiga aylanib olishdi.
Yoshlar ligasi, 19-tur
«PAXTAKOR» - «MASH’AL» - 1:0 (0:0)
Hakam: O.To‘ychiboyev.
"Paxtakor": Suyunov, Yusupov (N.Yo‘ldoshev, 46), Asqarov, Ermamatov, Hoshimov, Sindarov, Saidazimov (G‘anixonov, 78), Ahmadov, Sobirjonov (G. Ahmedov, 90+2), Qudratillayev, Sa’dillayev.
"Mash’al": Davronov, Mametov, S.Meliyev, Shodmonov, Qilichev, Sariboyev, Matmusayev, SH.Yo‘ldoshev (Ubaydullayev, 60), M.Meliyev (Jo‘rayev, 67), Akromov (Mahkamov, 63), Mirzaqulov (Rustamov, 79).
Gol: Yo‘ldoshev, 83 – 1:0.
Ogohlantirishlar: Ahmadov, 64. Meliboyev, 73. Sa’dillayev, 76. Qilichev, 79.
