«Monako» yarimhimoyachisi Joao Moutinyo «Portu»ga qarshi YECHL o‘yinidan oldin, o‘z fikrlarini aytdi.
«Biz faqat Radamel Falkaoga bog‘liq emasmiz. U juda ko‘p gol uryapti, ammo biz yakdil jamoamiz. Avval u "Portu"da o‘ynagan, keyin "MYU" va "Chelsi"da qiyin davrlarni o‘tkazgan. Hozir esa "Monako" uchun zo‘r o‘ynamoqda. Umid qilamanki, u chempionat va Chempionlar ligasidagi maqsadimizga erishishda bizga yordam beradi» - dedi Moutinyo.
Eslatib o‘tamiz, Liga 1 musobaqasining oxirgi turida Falkao «Lill» (4:0) darvozasiga ikkita gol urgan edi.
