"Mash’al" bilan uchrashuvdan keyin "Paxtakor" bosh murabbiyi matbuot anjumanida o‘yin haqida fikrlarini bildirdi.
- Bugun raqib ancha jiddiy bo‘lganini ta’kidlab o‘tmoqchiman. "Mash’al" jamoasi himoyada ancha tartibli o‘ynaydi va kam gol o‘tkazib yubormoqda.
Biz birinchi golni kiritganimizda ham o‘yindan tashqari holat yo‘q ekan. Agarda o‘sha gol hisoblanganda, tabloda 3:0 porlab turardi. Bu esa o‘yin taqdirini hal etishimizni osonlashtirardi. Gol o‘tkazganimizdan keyin yana hushyor o‘ynashga qaytdik. Tig‘iz taqvim tufayli ozroq charchoq sezildi.
Har doim yaxshi o‘ynashga harakat qilamiz. Yanada kuchayishni, yanada kuchliroq o‘ynash yo‘llarini izlayapmiz. Bu yo‘lda bizga muxlislar ham yordam berishmoqda. O‘ylaymanki, keyingi uchrashuvlarda yanada ko‘proq muxlislar tashrif buyurishadi.
