Braziliyaning "Ibis" klubi muxlislari jamoaning ketma-ket g‘alablaridan norozi bo‘lmoqda.
"Dunyoning eng yomon klubi" laqabiga ega jamoa Pernambuku shtati 2-ligasida "Ferrovyario do Kabo"ni 1:0 hisobida mag‘lubiyatga uchratdi. Natijada, bu qatorasiga uchinchi g‘alaba bo‘ldi.
Endi jamoa shanba kuni "Limarense" klubini ham mag‘lub etsa, qatorasiga 4ta g‘alaba bilan klub rekordini o‘rnatadi.
Bu esa jamoa muxlislariga yoqmayapti. Ularning fikriga ko‘ra, jamoa o‘z laqabiga sodiq qolgan holda, mag‘lubiyatlarni boshlab yuborishi kerak. Muxlislar shu haqda maxsus bannerlarni tayyorlab, o‘yin paytida namoyish qilishni rejalashtirmoqda.
