Бразилиянинг "Ибис" клуби мухлислари жамоанинг кетма-кет ғалабларидан норози бўлмоқда.
"Дунёнинг энг ёмон клуби" лақабига эга жамоа Пернамбуку штати 2-лигасида "Ферровьярио до Кабо"ни 1:0 ҳисобида мағлубиятга учратди. Натижада, бу қаторасига учинчи ғалаба бўлди.
Энди жамоа шанба куни "Лимаренсе" клубини ҳам мағлуб этса, қаторасига 4та ғалаба билан клуб рекордини ўрнатади.
Бу эса жамоа мухлисларига ёқмаяпти. Уларнинг фикрига кўра, жамоа ўз лақабига содиқ қолган ҳолда, мағлубиятларни бошлаб юбориши керак. Мухлислар шу ҳақда махсус баннерларни тайёрлаб, ўйин пайтида намойиш қилишни режалаштирмоқда.
