Myunxenning “Bavariya” klubi bosh murabbiyi Karlo Anchelotti bugun o‘z lavozimidan bo‘shatildi. Bu haqda “Bavariya” matbuot xizmati rasman e’lon qildi.
Avvalroq xabar berib o‘tganimizdek, bugun “Bavariya” rahbariyati tezkor majlis o‘tkazdi va unda italiyalik murabbiyning ishdan bo‘shatilishi haqidagi qarorni qabul qildi.
Taxminlarga qaraganda, Anchelottining “Bavariya”dagi o‘rnini uning assistenti Villi Sanyol egallashi mumkin ekan.
Eslatib o‘tamiz, "Bavariya" kecha YECHLning 2-turidan o‘rin olgan PSJga qarshi uchrashuvda 0:3 hisobida imkoniyatni boy bergandi.
