Dortmundning "Borussiya" jamoasi hujumchisi Pyer-Emerik Obameyang Angliya chempionatida o‘ynash istagi yo‘q ekanligini aytdi.
Oldinroq 28 yoshli futbolchining xizmatlariga "Chelsi", "Manchester Siti" va "Arsenal" kabi klublar tomonidan qiziqishlar bo‘lgani haqida ma’lumotlar paydo bo‘lgandi.
"APL menga hech qachon zavq bermagan. Bu shaxsiy fikrim", deydi u Telefoot nashriga.
Eslatib o‘tamiz, Obameyang "asalarilar" tarkibida 2013 yildan buyon to‘p surmoqda. Ushbu mavsumda Bundesligada o‘tkazgan 7 o‘yinida 8 gol urib, 1 ta golga assistentlik qildi.
