«Barselonya» yarimhimoyachisi Andres Inyesta Kataloniyadagi vaziyat haqida gapirdi.
Avvalroq, Kataloniya mustaqilligi uchun referendum o‘tkazilgan, biroq Ispaniya hukumati uni tan olmagan edi.
«Fikrlar xilma-xil bo‘lgan qiyin vaziyatlarga hech qachon ochiqcha izoh bermagan edim. Biroq, hozirgi holatni aniq tushunib turibman. Vaziyat chigallashib ketmasligi uchun, muzokara o‘tkazish kerak. Siyosatchilar o‘zaro kelishib olishi shart. Biz uchun shu ishni qilinglar, iltimos. Biz tinch yashamoqchimiz», – deb yozdi Inyesta tvitter sahifasida.
Eslatib o‘tamiz, Inyesta "Barselona" tarbiyalanuvchisi, ammo kataloniyalik emas.
