Rossiyada JCH-2018 musobaqasining o‘tkazilishidan fuqarolarning ba’zi toifalari norozi bo‘lmoqda.

Chunki Rossiya JCH–2018 turnirning o‘tkazilishi uchun katta arenalar qurdi va turli xil tadbirlar tashkil etish uchun ko‘plab harajat qilishga majbur bo‘ldi. Shuningdek, hozirda xarajatlar miqdori yanada ko‘payib bormoqda.

Norozi bo‘layotgan aholi esa turnir uchun qilinayotgan xarajatlar o‘rniga fuqarolar nafaqa puli miqdorini oshirishni afzalroq, deb o‘ylamoqda.

Biroq Rossiya Dumasining deputati Nikolay Valuyevning fikriga ko‘ra, Rossiya jahon chempionatini o‘tkazish uchun muhtoj va buning o‘rniga nafaqa pulini ko‘paytirish fikrini qo‘llab quvvatlamadi.

Yaqin o‘tmishning mashhur bokschisi insonlarga nafaqaning narxini oshirishdan hech qanday ma’ni yo‘qligini tushuntirishga urindi.

“Jahon chempionati sabab Rossiyada sportga bo‘lgan e’tibor yanada kuchayadi. Nafaqa borasida nima deyishim mumkin?

Nafaqa miqdorini oshirdik deylik... Nima o‘zgaradi? O‘ylaymanki, hozirgi nafaqa pulining miqdori fuqarolarning yaxshi yashashiga yetib ortadi.
Jahon chempionatini o‘tkazish o‘rniga nafaqa narxini oshirish g‘oyasi bilan uzoqqa borib bo‘lmaydi. Hattoki bu haqda gapirishni ham istamayman” - dedi Valuyev.

Eslatib o‘tamiz, JCH–2018 final bosqichi 2018 yilning 14 iyun kunidan 15 iyul kuniga qadar Rossiyada o‘tkaziladi.