Grozniyda rossiyalik faxriylar va yevropalik futbolchilar o‘rtasida o‘rtoqlik uchrashuvi bo‘lib o‘tdi. Maydonda “Lider65” va Italiya terma jamoalari o‘zaro kuch sinashishdi. Mezbonlar safida Ramzan Qodirov, Ronaldinyo, Karpin, Kerjakov, Shirokov va boshqa futbolchilar to‘p surishdi. Italyanlarning asosiy yulduzi esa Marko Delvikkio bo‘ldi. Bu hujumchi mehmonlarning 3 ta goliga mualliflik qildi.
Mazkur uchrashuvda Ramzan Qodirov jamoasi 6:3 hisobida g‘alaba qozondi. Ramzan Qodirov 1 ta gol urdi va 1 ta golli uzatmani amalga oshirdi.
