«Manchester Yunayted» hujumchisi Romelu Lukaku faqat o‘rtamiyona va autsayder jamoalar darvozasiga gol urayotgani borasida fikrga o‘z munosabatini bildirib o‘tdi. APLning 8ta o‘yinida belgiyalik futbolchi 7ta gol urishga muvaffaq bo‘ldi.

«Hozirda men katta jamoalarni ham mag‘lub etishni istaydigan jamoa safida o‘ynayapman. Biz barcha o‘yinlarda g‘alaba qozonishni istaymiz., o‘ylaymanki, vaziyat o‘zgaradi.

«Liverpul»ga qarshi o‘yinda foydalanilmagan vaziyat? Ko‘p hujumchilar bundan ham yaqqolroq vaziyatlarni ko‘kka sovurishlari va keyinchalik 2ta gol urishlari mumkin. Ammo men, negadir, tanqidlarni eshitaman: «Rom unday qilmadi, Rom bunday qilmadi». Insonlar hamisha shunday gapirishadi, ammo mening APLdagi statistikam yomon emas. "MYU" ham juda yaxshi ishtirok etyapti.

Eng muhimi — yanada yorqinroq o‘yin ko‘rsatish va har qanday vaziyatda g‘alaba qozonishda davom etish», – dedi Lukaku.