Ispaniya chempionatining 8-turi doirasida so‘nggi uchrashuv bo‘lib o‘tdi. "Las-Palmas" o‘z maydonida "Selta"ni qabul qilib, yirik hisobda imkoniyatni boy berdi.

Bahsning 52-daqiqasida mezbonlar posboni Blanko maydondan chetlatildi. Ammo bu paytga kelib vigoliklar 3:0 hisobida oldinda borishayotgan edi va raqib bir kishi kam bo‘lib qolganidan keyin mehmonlar "Las-Palmas" darvozasiga yana 2ta to‘p kiritishdi. O‘yinning so‘nggi daqiqalarida "Las-Palmas" "Selta" darvozasiga 2 marta yo‘l topishga muvaffaq bo‘ldi.

Mavsumnig dastlabki 7ta turida birorta ham gol urmagan "Selta" hujumchisi Yago Aspas bu o‘yinda "xet-trik"ni rasmiylashtirdi. Ushbu g‘alabadan keyin vigoliklar o‘z ochkolarini 11taga yetkazib, 10-o‘ringa ko‘tarilib olishdi. "Las-Palmas" esa 18-o‘ringa tushib ketdi.

Ispaniya chempionati, 8-tur
Las-Palmas – Selta 2:5 (0:2, 2:3)
Gollar: 0:1 – 16 Mor, 0:2 – 20 Aspas, 0:3 – 49 Aspas, 0:4 – 71 Ernandes, 0:5 – 76 Aspas, 1:5 – 90 Vitolo, 2:5 – 90 Remi.
Las-Palmas – Chichisola, Masedo (Lemos, 62), Garsiya Santana, Bigas, Borxa Errera (Vitolo, 62), Santana, Akvilani, Viyera, Tannane, Kalyeri, Momo (Remi, 46).
Selta – Blanko, Vass, Kabral, Gomes, Kastro, Ernandes (Radoya, 80), Lobotka, Mor (Alvares, 55), Xosabed (Fontas, 64), Sisto, Aspas.
Ogohlantirishlar: Xosabed (27), Bigas (51), Akvilani (61).
Chetlatish: Blanko (52).