Sport tadqiqotlari xalqaro markazi (CIES) Yevropaning 35ta mamlakatidagi ligalarda o‘tkaziladigan o‘yinlar sifati va qizg‘inligini tahlil qilib, yakuniy xulosani keng futbol jamoatchiligiga taqdim etdi.
Shveysariyadagi mazkur kompaniyaning eng faol departamentlaridan biri millionlar o‘yiniga ixtisoslashgan.
U har oy bizni yangi tadqiqotlar bilan xushnud etadi. Bu safar sport olimlari «ko‘hna qit’a»dagi 30ta yetakchi chempionatlar hamda «kuchli beshlik»dagi 5ta ikkinchi liga bahslarini (Angliya, Ispaniya, Germaniya, Italiya va Fransiya) tekshirib, ochiqlik, shiddat, mazmunli uchrashuvlarga boy birinchiliklarni aniqlashdan tashqari, ichki chempionatdagi klublar darajasidagi tafovutni o‘zaro solishtirishdi.
Ma’lum bo‘lishicha, Rossiyadagi futbol sifati ancha yuqori darajada ekan. Ammo bu omil bevosita o‘yinning o‘ziga taalluqli.
Futbolchilar saviyasini maydonga ko‘chirib, bahslarga keskinlik bag‘ishlash imkoni topilmayapti. Quyidagi oltita turli tadqiqotlarga nazar tashlasangiz, bunga o‘zingiz ham guvoh bo‘lishingiz mumkin.
1. Futbolchilar darajasi
CIES tashkilotining dastlabki tahlili o‘yindagi aniq uzatmalarga asoslangan. Ushbu ko‘rsatkichlar muayyan ligadagi jamoa tarkibidan joy olgan futbolchilar darajasiga aniqlik kiritadi.
Natijalar buni yaqqol isbotlab turibdi. «Kuchli beshlik» ligalari mazkur ko‘rsatkichlar bo‘yicha yetakchilar o‘nligidan o‘rin egallashdi. E’tiborlisi, DAVOMI
