Angliyaning "Chelsi" jamoasi bosh murabbiyi Antonio Konte klubdagi yo‘qotishlar haqida gapirib o‘tdi.
"Denni Drinkuoter rivojlanmoqda. U mashg‘ulotlarda qisman qatnashishni boshladi. Endi uning vazifasi - jismoniy holatini yaxshilash. Dennining tarkibga qaytishini sabrsizlik bilan kutamiz.
Tez orada yana terma jamoalarning o‘yinlari boshlanadi. N'Golo Kante o‘sha vaqtgacha safga qaytishiga umid qilyapman. So‘nggi tekshiruv natijalariga ko‘ra, uning holati ancha yaxshilangan. Kante "MYU" yoki "Roma"ga qarshi muxim o‘yinlarda maydonga tusha olsa, albatta xursand bo‘lardim", - deydi Konte.