Joze Mourinyo “Beshiktosh”ga bosh murabbiy bo‘lishga yaqin turibdi.
Turkiya klubi vise-prezidenti portugaliyalik murabbiy bilan muzokaralar olib borilayotganini ma’lum qildi.
“Men Joze Mourinyo bilan bir oy oldin Istanbulda tanishganman. Men uni “Beshiktosh”da ko‘rishni hohlashimni, u bizning falsafamizga mos kelishini aytdim. Joze taklif olganida imkoniyatni qadrlashini aytdi. Biroz vaqt o‘tgach, u rozi bo‘ldi.
Keyingi hafta Italiyada yana bir uchrashuv o‘tkazamiz. U “Beshiktosh”da ishlashni xohlayotganini aytdi.
Klubimiz Mourinyoning moliyaviy talabini qondirdi. Biz homiylar bilan ishlaymiz va to‘g‘ri shartlarda hamkorlik qilishga tayyormiz. Boshqaruv yig‘ilishida Mourinyoning tayinlanishini muhokama qilamiz. Keyingi haftada so‘nggi uchrashuvimiz Italiyada bo‘lib o‘tadi”, — dedi Huseyin Yucel.
