Жозе Моуриньо “Бешиктош”га бош мураббий бўлишга яқин турибди.

Туркия клуби вице-президенти португалиялик мураббий билан музокаралар олиб борилаётганини маълум қилди.

“Мен Жозе Моуриньо билан бир ой олдин Истанбулда танишганман. Мен уни “Бешиктош”да кўришни ҳоҳлашимни, у бизнинг фалсафамизга мос келишини айтдим. Жозе таклиф олганида имкониятни қадрлашини айтди. Бироз вақт ўтгач, у рози бўлди.

Кейинги ҳафта Италияда яна бир учрашув ўтказамиз. У “Бешиктош”да ишлашни хоҳлаётганини айтди.

Клубимиз Моуриньонинг молиявий талабини қондирди. Биз ҳомийлар билан ишлаймиз ва тўғри шартларда ҳамкорлик қилишга тайёрмиз. Бошқарув йиғилишида Моуриньонинг тайинланишини муҳокама қиламиз. Кейинги ҳафтада сўнгги учрашувимиз Италияда бўлиб ўтади”, — деди Ҳусейин Юcел.