“Qo‘qon-1912” – “Navbahor” uchrashuvidan keyin o‘tkazilgan matbuot anjumanining ikkinchi qismida mezbonlar ustozi No’mon Hasanov qatnashdi.
- Bugun haqiqiy derbiga xos o‘yin bo‘ldi. Har ikki jamoa chiroyli futbol o‘ynashdi. Qizil kartochka bizning foydamizga ishladi. Shogirdlarim barcha ko‘rsatmalarimni to‘liq bajarishdi. Bugun muxlislarimiz stadionimizni to‘ldirib o‘tirishdi. Ularga rahmat aytmoqchiman. O‘yin oldidan tarkibda muammolar bor edi. Nosir Otaqo‘ziyev va Filip Rayevas jarohat olishib, safdan chiqishdi. Bugun yarim himoyachilar yaxshi o‘ynashdi. Uch kundan keyin mehmonda o‘ynaymiz. Shu bois ertadanoq “Loko”ga qarshi o‘yinga tayyorgarlikni boshlaymiz.
