Italiyaning "Milan" jamoasi bosh murabbiyi Vinchenso Montella Italiya "A" seriyasining 9-turi doirasida "Jenoa" (0:0) bilan o‘ynalgan durang haqida fikr bildirdi.
"Ayni damda "Milan"ning ustoziman va bu menga juda yoqmoqda. Yigitlarning uch ochko olish uchun qilgan barcha ishlariga rahmat aytaman. Jamoaning bugungi o‘yinidan mamnunman, biroq natijadan emas.
Rahbariyat menga ishonch bildirmoqda. Ammo borgan sari mening jamoada qolish imkoniyatim kamayib ketmoqda. "Milan" holatdan chiqib ketishi uchun jamoaviy o‘yinini kuchaytirishi kerak", - deydi Montella.
