Londonning “Tottenxem” jamoasi bosh murabbiyi Maurisio Pochettino APLning 9-turi doirasida “Liverpul” (4:1) ustidan qozonilgan yirik hisobdagi g‘alabadan keyingi fikrlari bilan o‘rtoqlashdi.
“Fantastik o‘yin bo‘ldi. Futbolchilarim aql bovar qilmas darajada o‘yin ko‘rsatishdi. O‘yinni juda yaxshi boshladik.
Men muxlislardan juda xursandman. Tribunada Diyego Maradona, Kobi Brayantlar ham bor edi. Bugun men uchun dahshatli kun bo‘ldi. “Uembli”ni o‘z uyimizdagidek his qila boshladik. Bu esa biz uchun juda muxim.
“Liverpul”ga erkin o‘yin ko‘rsatishiga yo‘l bermaslik kerak edi. Agarda xududlarni ochiq qoldiradigan bo‘lsak, ular albatta gol urishadi. O‘tkazib yuborilgan golda esa aybni o‘zimizga ag‘darsak bo‘ladi. Bugungi o‘yinimizdan juda mamnunman”, - deydi Pochettino.
