Lionel Messi — fenomen, u 10 yildan beri butun dunyoni o‘yini bilan quvontirib kelyapti. Argentinalik hujumchi shu paytga qadar juda ko‘p rekordlarni qayd etdi. Ammo, buni qarangki, hali Messi o‘rnatishga ulgurmagan 9 ta rekord bor ekan. Quyida ana shular haqida so‘z yuritamiz.
Chempionlar ligasi to‘purari
Ayni pallada YECHL da Krishtianu Ronaldu mutlaq to‘purar hisoblanadi — uning hisobida 110 ta gol bor. Messi esa hozirgacha mazkur turnirda 97 ta gol kiritgan. Biroq, unutmaslik kerakki, Ronaldu Messidan 2 yosh katta va faoliyatini ertaroq yakunlaydi. Denak, mazkur rekordni yangilash uchun Messida, albatta, imkoniyat bo‘ladi.
Eng ko‘p sovrinni qo‘lga kiritgan futbolchi
Messi shu paytga qadar jami 30 ta sovrinni qo‘lga kiritdi. Ammo bu borada “Manchester Yunayted”ning sobiq futbolchisi Rayan Giggz yetakchi hisoblanadi. U aynan “qizil iblislar” bilan birga 36 ta sovrin sohibiga aylangan. Undan keyingi o‘rinda esa Vitor Baya bormoqda. Baya “Portu” va “Barselona” safida jami 35 ta turnirda g‘olib chiqqan. Messining jamoadoshi Iniyesta hisobida esa 32 ta sovrin bor. Shuningdek, Gari Nevill va Daniyel Alveslar 31 marta turnirlarda g‘olib chiqishgan. Pike esa xuddi Messi kabi 30 marta bosh sovrinni qo‘lga kiritgan.
Giggz, Bayya va Nevill allaqachon faoliyatlarini yakunlashgan. Demak, Messi yana sanoqli yillar ichida rekordni yangilashi hech gap emas. Qolaversa, Iniyesta va Alves faoliyatini Messidan oldin yakunlashi aniqroq. Ayni paytda birgina Pike Messi bilan teng natija qayd etishi mumkin.
Chempionlar ligasida eng ko‘p g‘olib chiqqan futbolchi
Bu rekordni yangilash biroz mushkul, chunki rekordchi hisoblanmish Pako Xento “Real” safida 6 marta Chempionlar ligasida zafar quchgan. Messi esa Inyesta, Pike va Ronaldu kabi mazkur turnirda 4 bor g‘olibga aylangan. Di Stefano, Xose Mari Sarragi (ikkalasi ham “Real”) va Paolo Maldini (“Milan”) esa 5 martadan g‘olibga aylanishgan. Messi uchun Xentoning natijasini yangilash biroz qiyin kechadi.
Xalqaro musobaqalarda eng ko‘p g‘olib chiqqan futbolchi
