Angliya premyer-ligasining 11-turida «Tottenxem» safida Son Xyun Min gol urdi.
Natijada bu voqea butun «sariq qit’a» bo‘ylab yaxshigina aks-sado berdi. Quyida Osiyo futbolchilarining ayni payt Yevropa top-ligalarida qay tarzda to‘p kiritayotganiga nazar tashlaymiz.
Son Xyun Min. So‘nggi 3 mavsumdan beri «Tottenxem» safida porlayotgan Son Xyun Min APLda shu paytgacha jami 20ta (2015|2016 - 4ta, 2016|2017 - 14ta, 2017|2018 - 1ta) gol urdi.
Shu tariqa u «MYU» safida butun Yevropaga dong tartgan Park Ji Sunning natijasini yangiladi. Umumiy hisobda oladigan bo‘lsak, Son «shporlar» libosida 93ta o‘yinda 32 marta raqiblar darvozasini ishg‘ol qildi
. Vaholanki, u «Gamburg»da 20ta, «Bayer»da esa 29ta to‘p kiritgandi. 2016 yilning sentyabri va 2017 yilning aprelida premyer-ligada oyning eng yaxshi futbolchisi nomiga sazovor bo‘ldi. Min bu borada osiyolik hamkasblari orasida tengsizdir.
APLda gol urgan koreyalik futbolchilar: Son Xyun Min - 20ta, Park Ji Sun - 19ta, Ki Sun Yong - 13ta, Li Chun Yong - 8ta, Seol Ki Xyon - 5ta, Ji Dong Von - 2ta, Kim Bo Kyung - 1ta.
APLda gol urgan osiyolik boshqa futbolchilar: Yaponiya (SHinji Okazaki - 12ta, Shinji Kagava - 6ta, Maya Yoshida - 5ta, Yunichi Inamoto - 4ta, Xidetoshi Nakata - 1ta), Xitoy (Sun Jixay - 3ta, Jeng Ji - 1ta), Eron (Ashkan Dejaga - 5ta, Andranik Teymuryan - 2ta).
2016 yil dekabr holatiga ko‘ra, Angliya premyer-ligasida futbolchilari gol urishga erishgan mamlakatlar soni 106taga yetdi. Armaniston terma jamoasi a’zosi Genrix Mxitaryan («MYU») o‘z yurtini ushbu ro‘yxatga qo‘shgan so‘nggi o‘yinchi bo‘ldi.
Shinji Okazaki. DAVOMI
