Oliy liganing 28-turi doirasida "Lokomotiv" - "Buxoro" (2:0) uchrashuvidan keyingi matbuot anjumanida mehmonlar ustozi Ulug‘bek Baqoyev matbuot anjumanida qatnashdi.

"To‘g‘risini aytsam, dastlabki 15 daqiqalikda qanday voqealar ro‘y berganini tushunmay qoldim. "Lokomotiv"ni tabriklayman, ular haqli ravishda g‘alabaga erishishdi. Ikkinchi bo‘limda esa vaziyatni tenglashtira oldik.

Darvozabon? U 18 daqiqada 2 ta gol o‘tkazib yubordi. Uning gollarda aybi yo‘q, biroq ruhiy tomondan biroz cho‘kish bo‘lgani uchun uni almashtirdim.

Ha, bugun himoyaviy uslubni tanlagandim. Chunki "Lokomotiv"ga qarshi ochiq o‘yin ko‘rsatib bo‘lmaydi.

Iste’fo? Shartnomam mavsum yakuniga qadar amal qiladi. Hozircha nima bo‘lishini bilmayman. Klubda qolamanmi yoki yo‘q, bularning barchasi mavsum yakunlanganidan keyin ma’lum bo‘ladi.

Hozirgi paytda hujumchini tarbiyalash juda qiyin bo‘lmoqda. Yoshlarning potensialida yetishmovchiliklar bor. Kimning o‘yini yoqadi? Igor Sergeev. So‘nggi pallalarda kamroq gol urayotgan bo‘lsa-da, uning intilishi yuqori darajada", - deydi Baqoyev.