Олий лиганинг 28-тури доирасида "Локомотив" - "Бухоро" (2:0) учрашувидан кейинги матбуот анжуманида меҳмонлар устози Улуғбек Бақоев матбуот анжуманида қатнашди.
"Тўғрисини айтсам, дастлабки 15 дақиқаликда қандай воқеалар рўй берганини тушунмай қолдим. "Локомотив"ни табриклайман, улар ҳақли равишда ғалабага эришишди. Иккинчи бўлимда эса вазиятни тенглаштира олдик.
Дарвозабон? У 18 дақиқада 2 та гол ўтказиб юборди. Унинг голларда айби йўқ, бироқ руҳий томондан бироз чўкиш бўлгани учун уни алмаштирдим.
Ҳа, бугун ҳимоявий услубни танлагандим. Чунки "Локомотив"га қарши очиқ ўйин кўрсатиб бўлмайди.
Истеъфо? Шартномам мавсум якунига қадар амал қилади. Ҳозирча нима бўлишини билмайман. Клубда қоламанми ёки йўқ, буларнинг барчаси мавсум якунланганидан кейин маълум бўлади.
Ҳозирги пайтда ҳужумчини тарбиялаш жуда қийин бўлмоқда. Ёшларнинг потенциалида етишмовчиликлар бор. Кимнинг ўйини ёқади? Игорь Сергеев. Сўнгги паллаларда камроқ гол ураётган бўлса-да, унинг интилиши юқори даражада", - дейди Бақоев.