“Manchester Yunayted” klubi murabbiyi Joze Mourinyo “qizil iblislar” muxlislari uchun ajoyib xushxabarni yetkazdi.
Mourinyoning so‘zlariga ko‘ra, “Manchester Yunyated”ning uch nafar jarohat olgan futbolchilari Markos Roxo, Pol Pogba va hujumchi Zlatan Ibragimovich APLnnig 12 – turidan o‘rin olgan “Nyukasl”ga qarshi uchrashuvda maydonga tushishi mumkin ekan.
“Ha, Roxo, Pogba va Zlatan ertangi uchrashuvda maydonga tushishga tayyor holatda. Ular jarohatlaridan to‘liq forig‘ bo‘lishdi. Roxoni kuni kecha sinovdan o‘tkazdim. Endi navbat Pogba va Ibragimovichga yetib keldi”, - deydi Mourinyo.
Eslatib o‘tamiz, “Nyukasl” – “Manchester Yunayted” uchrashuvi bugun Toshkent vaqti bilan 22:30 da boshlanadi.
