Ispaniya OAVlari Madridning «Real» klubi kiyinish xonasidagi muammolar haqida yangi tafsilotlarni ochiqlashda davom etmoqda. Jamoa ichidagi hozirgi vaziyat «juda keskin» deb ta’riflanmoqda: ESPN bergan ma’lumotlarga ko‘ra, yaqinda Ryudiger va ismi oshkor etilmagan jamoadoshlaridan biri o‘rtasida jiddiy nizo kelib chiqqan.

Bundan tashqari, bir yo‘la uch nafar futbolchi — Daniel Karvaxal, Raul Asensio va Dani Sebalyosning bosh murabbiy Alvaro Arbeloa bilan munosabatlari sovuqlashgani aytilmoqda.

«Qaymoqranglilar»ning navbatdagi o‘yini yakshanba kuni bo‘lib o‘tadi — poytaxt grandi «Espanyol» mehmoni bo‘ladi. Uchrashuv Toshkent vaqti bilan soat 00:00 da boshlanishi rejalashtirilgan.