Испания ОАВлари Мадриднинг «Реал» клуби кийиниш хонасидаги муаммолар ҳақида янги тафсилотларни очиқлашда давом этмоқда. Жамоа ичидаги ҳозирги вазият «жуда кескин» деб таърифланмоқда: ESPN берган маълумотларга кўра, яқинда Рюдигер ва исми ошкор этилмаган жамоадошларидан бири ўртасида жиддий низо келиб чиққан.
Бундан ташқари, бир йўла уч нафар футболчи — Даниэль Карвахаль, Рауль Асенсио ва Дани Себальоснинг бош мураббий Альваро Арбелоа билан муносабатлари совуқлашгани айтилмоқда.
«Қаймоқранглилар»нинг навбатдаги ўйини якшанба куни бўлиб ўтади — пойтахт гранди «Эспаньол» меҳмони бўлади. Учрашув Тошкент вақти билан соат 00:00 да бошланиши режалаштирилган.
