«Tottenxem» klubi bosh murabbiyi Maurisio Pochettino bosh jamoa mashg‘ulotlariga bir nechta yosh futbolchilarni jalb qildi.
«Chorshanba kungi mashg‘ulotlarga sakkiz nafar 16 yoshli futbolchi jalb qilindi. Jamoaga endi kelgan vaqtlarim, 17-18 yoshli o‘yinchi bosh jamoa bilan shug‘ullanadigan bo‘lsa, buni aqldan ozganlikka yo‘ysa bo‘lardi.
Endi birdaniga sakkizta yosh futbolchi jamoa bilan mashg‘ulot o‘tadilar – bu ajoyib. Ular hali bosh jamoa safiga kirishdan ancha yiroqlar, biroq bu ularga yaxshi tajriba bo‘ladi.
Diqqatni jamlash va yuqori saviyaga chiqish uchun vaqt kerak», — deydi Pochettino.
