Adidas kompaniyasi taklifiga binoan, JCH-2018 uchun tanlangan rasmiy to‘p taqdimotida ishtirok etgan Kaka tabiiyki, OAV vakillari qurshovida qoldi.
Rossiyalik kasbdoshlarimiz braziliyalik yulduzdan intervyu olish ilinjida hattoki, portugal tilini ham o‘zlashtirishdi.
Lekin championat.com muxbiri o‘ta jiddiy tayyorgarlik ko‘rganiga qaramay, endigina faoliyatini yakunlagan futbol afsonasi bilan suhbatlashish arafasida anchagina hayajonlandi va buni yashirmadi ham:
«Imkoni bor barcha sovrinlarni qo‘lga kiritgan yulduz qarshisiga chiqqach, oldindan rejalashtirilgan savollarni unutib qo‘ysam kerak-ov...».
Boz ustiga, Kaka bilan muloqot uchun atigi 10 daqiqa ajratilgandi. Muhimi, kasbdoshimiz o‘zini yo‘qotib qo‘ymadi. Quyidagi intervyu bunga asos.
- Yangi to‘pni amalda sinab ko‘rdingizmi?
- Yo‘q, hozircha uni birrov ko‘rdim, xolos. Ya’ni to‘pni oyog‘imda o‘ynatishga hali ulgurmadim.
- Faoliyatingiz davomidagi eng chiroyli golni qaysi to‘pda urgansiz?
- Eh, xotiramda muhrlanib qolgan alohida gollar ancha ko‘p. Shunday ekan, bittasini ajratib ko‘rsatishim qiyin. Misol uchun, 2007 yili Yevropa Chempionlar Ligasi yarim finalida «MYU» darvozasiga urilgan golni aytishim mumkin.
- Xaynse va Evra o‘sha o‘yindan keyin tun bo‘yi uxlolmay chiqishgan ekan. Ularga rahmingiz kelmaganmi...?
- Aslida hamisha raqiblarga hurmat bilan qarayman, biroq o‘sha lahzada bu haqda hattoki, o‘ylamagandim.
- Aftidan, Patris Evra hanuzgacha asabiy holatdan xalos bo‘lmagandek - yaqindagina muxlislardan birining boshiga tepib yubordi. To‘g‘ri, bunga daxldor emassiz...
- Albatta, daxlim yo‘q-da. Axir oradan qancha vaqt o‘tdi.
- Faoliyatingizning ilk bosqichida Rossiya klublaridan biri safiga qo‘shilishga yaqin kelganingiz rostmi? DAVOMI
