“Qizilqum” – “Metallurg” jamoalari uchrashuvidan keyin “Metallurg” jamoasi bosh murabbiyi Rustam Mirsodiqovning o‘yin haqida fikrlarini so‘radik.

Rustam Mirsodiqov, “Metallurg” FK bosh murabbiyi: - Nechanchi o‘yindirki tarkib borasidagi muammolardan qutila olmayapmiz.

O‘ng qanot himoyachimiz endi endi individual shug‘ullanishni boshlayotgan bir paytda Navoiyga asosiy pleymeykerimiz Ayubxon No‘’monov hamda to‘purar hujumchimiz Zohid Abdullayevlarsiz keldik.

Mashg‘ulotlar jarayonida og‘riq bezovta qilgani bois asosiy darvozabonimizni so‘nggi daqiqalarda zahirada qoldirishga majbur bo‘ldik. Ko‘ryapsizmi, tarkibda qancha bo‘shliqlarni bekitishimiz lozim edi.

Bugun yutqazgan bo‘lsakda yoshlarimizning o‘yinidan qoniqish hosil qildim. Muhammadjon Sultonov oliy ligadagi birinchi golini urdi. Ulug‘bek Xudoyorov, Abrorbek Toshqo‘ziyevlar ham o‘yinga yaxshi qo‘shilib ketishdi.

Ba’zi vaziyatlarda tajribasizligimiz, ozgina tezlikda, fikrlashda yutqazishimiz bois imkoniyatni boy berdik deb o‘ylayman.

Chempionatning oxirgi turini uyda o‘tkazamiz. Nasib bo‘lsa, ungacha asosiy tarkib o‘yinchilari safimizga qaytishadi. Chiroyli, hujumkor o‘yin bilan muxlislarimizni albatta xursand etishga harakat qilamiz, deydi Rustam To‘xtamurodovich.

"Metallurg" FK Matbuot xizmati.