“Nyukasl” bosh murabbiyi Rafael Benites “Manchester Yunayted”ga qarshi o‘yin (4:1) dan so‘ng “qizil iblislar” yarim himoyachisi Pol Pogbani Stiven Jerard darajasiga yetib bormaganini aytib o‘tdi.
“Jerard va Pogba umuman boshqa-boshqa dunyo. Stiv ko‘p yillar davomida yuqori darajadagi o‘yinlar namoyish qildi.
To‘g‘ri, Pogba ham yomon o‘ynamaydi, lekin Jerrard darajasiga yetish uchun Pol yanada tajribaliroq bo‘lishi kerak.
Stiv mening qo‘l ostimda ko‘p yillar to‘p surdi, unda jamoani qiyin vaziyatlardan qutqarib qolish xususiyati bor. Pogba esa hali Jerrardga o‘xshashga yoshlik qiladi.
Men biror marta Pogba bilan ishlagan emasman, lekin shuni aytishim mumkinki, Pol “Manchester Yunayted”ning qolgan o‘yinchilaridan ko‘ra yaxshiroq o‘ynadi”, - deydi Benites.
Eslatib o‘tamiz, Pogba “Nkasl”ga qarshi o‘yinda bitta gol va golli uzatma muallifiga aylandi.
