«Chelsi» klubi bosh murabbiyi Antonio Konte Chempionlar Ligasining 5-turi oldidan o‘z fikrlari bilan o‘rtoqlashdi.

«Ayni paytda «Chelsi» klubini mavsumdagi eng muhim o‘yin kutib turibdi. Biz «Qorabog‘» ustidan g‘alaba qozongan taqdirimizda Chempionlar Ligasining keyingi bosqichiga yo‘l olamiz.

Zero hozirgi kundan to yanvar oyiga qadar «Chelsi»ning taqvimi juda og‘ir tuzilgan va har uchrashuvdagi g‘alaba bizga muhim.

Shubhasiz, bizga qiyin bo‘ladi, chunki ular so‘nggi ikki uchrashuvda «Atletiko» klubi bilan durrang o‘ynadi, undan oldin esa «Roma»ga jiddiy qarshilik ko‘rsatdi.

Tan olish kerakki, shogirdlarim g‘alaba uchun bor kuchi bilan harakat qilishmoqda. «Roma» klubiga qarshi kechgan o‘yinda esa biz shu hislatni ko‘rsata olmadik, men – birinchi navbatda.

Jamoa vakillaridan natija talab qilishdan oldin, men avvalo o‘zimdan talab qilaman va keyingina futbolchilardan», - deydi Konte.