«Manchester Yunayted» klubi yarim himoyachi Eshli Yang bilan yangi shartnoma imzolaydi.
32 yoshli futbolchining mankunianliklar bilan amaldagi shartnomasi 2018 yilning yozida o‘z nihoyasiga yetadi va jamoa u bilan yana bir yillik shartnoma imzolamoqchi.
The Sun nashrining xabar qilishicha, yangi shartnomada futbolchining maoshi ko‘payadi. Endi Yang yiliga 6 mln funt ishlab topadi. Ushbu mavsum Eshli «MYU»ning 11 ta o‘yinida maydonga tushib, 3 ta golli uzatmaga mualliflik qilgan.
Yang 2011 yilda 18 mln yevro evaziga «Aston Villa»dan «MYU»ga o‘tgandi.