Kataloniyaning «Barselona» klubi ustozi Ernesto Valverde Yevropa chempionlar ligasi 5-turi doirasidagi «Yuventus»ga qarshi bahsdan so‘ng o‘z fikrlari bilan o‘rtoqlashdi.
«Yo‘q, Messining jarohati yo‘q edi. Shunchaki, unga dam berishga qaror qildik. Qolaversa, «Barselona» u siz ham kuchli o‘yin namoyish qila olishi ko‘rsatmoqchi edik.
Leoning ikkinchi bo‘limda maydonga tushishi esa o‘yinimizni kuchaytirib berishi tabiiy edi.
Bugug ko‘rdikki, ter Shtegenga ko‘p ish qolmadi. Ammo o‘yin oxirlarida Dibalaning zarbasidan so‘ng to‘pni qaytargani hal qiluvchi ahamiyat kasb etdi».
Shuningdek, Valverde «Sevilya» ustozi Eduardo Berisso bilan yaxshi tanish ekanligini aytib, unga butun jamoa nomidan tezroq sog‘ayib, safga qaytishini tilab qolgan.
Ma’lumot uchun, «Sevilya» tibbiy xizmati Berissoda rak kasalligi anlanganlini xabar qilgandi.