“Sporting” klubi bosh murabbiyi Jorje Jezush YECHLning 5-turida “Olimpiakos”ga qarshi uchrashuv (3:1) dan so‘ng o‘z fikrlarini aytib o‘tar ekan keyingi turda “Barselona”ni mag‘lub etish uchun harakat qilishini ham qo‘shimcha qildi.

“Bizda ikkita maqsad bor edi. O‘yinda g‘alaba qozonish va futbolchilarni keyingi uchrashuvga yaxshi sport formasida saqlash. Ikkala maqsadimizga ham erishdik, o‘yin biz  kutganday bo‘ldi.

Men jamoamni guruh bosqichidagi o‘yinlaridan faxrlanaman. Bizda pley-offga chiqish uchun imkon bor, lekin bu uchun kimsan “Barselona” klubi Kamp Nouda mag‘lubiyatga uchratishimiz kerak, menimcha bu ish bizning qo‘limizdan keladi”, - deydi Jezush.