Madridning “Real” klubi himoyachisi Serxio Ramos burni singanidan so‘ng, maydonga himoya niqobida tushish yoki tushmaslikni hal etganicha yo‘q.

Eslatib o‘tamiz, Ramos Ispaniya chempionati doirasida “Atletiko” klubiga (0:0) qarshi kechgan bahsda burnini sindirib olgan edi.

Uchrashuvning birinchi bo‘limi oxirlarida “Atletiko” futbolchisi Lukas-Fransua Ernandes, “Real” sardorining burniga butsasi bilan zarba bergan.

Qon oqishi to‘xtamagani sabab Ramos biroz muddatga maydonni tark etdi, tanaffusdan keyin esa uning o‘rniga o‘yinni Nacho davom ettirdi.

Ma’lum bo‘lishicha, Ramos Ispaniya chempionatidagi ertaga bo‘lib o‘tadigan “Malaga”ga qarshi va Ispaniya Kubogining “Fuenlabradoy” jamoa bilan javob uchrashuvlarini o‘tkazib yuboradi.

Himoyachi safga 2 dekabr kuni, Bilbaoning “Atletik” klubiga qarshi uchrashuvda qaytishi kutilmoqda.

Futbolchi himoya niqobini bir nechta mashg‘ulotlarda sinab ko‘radi va uning qulayligiga qarab maydon u bilan maydonga tushish yoki tushmaslik haqida o‘ylab ko‘radi.