Madridning «Real» klubida Luka Modrichni qaytarishga qaror qilishdi. Yarim himoyachining «Milan» bilan shartnomasi shu oy oxirida o‘z nihoyasiga yetadi.
Katta ehtimol bilan, 40 yoshli futbolchi Xorvatiya terma jamoasi bilan jahon chempionatidagi ishtirokini yakunlaganidan so‘ng butsalarini mixga iladi. Insayder Fabrisio Romanoning xabar berishicha, «Real»da Modrich bo‘yicha rejalar allaqachon aniq bo‘lgan: xavbek o‘yinchilik faoliyatini yakunlaganidan so‘ng, unga klubda lavozim taklif qilinadi.
Hozircha «qaymoqranglilar» xo‘jayinlari Lukani aynan qanday rolda ko‘rayotgani noma’lum. Modrich Madrid grandi sharafini 2012 yildan 2025 yilgacha himoya qilgan, shundan so‘ng erkin agent sifatida «Milan»ga ko‘chib o‘tgan edi.
