Fransiyalik futbolchi Karim Benzema barcha davrlarning eng yaxshi hujumchisi bo‘lish borasida kimni o‘zidan ustun qo‘yishini aytdi.

Madridning «Real» klubi va Fransiya milliy jamoasi sobiq futbolchisi o‘zini tarixdagi eng yaxshi hujumchilardan biri deb hisoblashini, ammo birinchi o‘ringa qo‘ymasligini tan oldi.

— Barcha davrlarning eng yaxshi uch nafar hujumchisi qatoriga kirasizmi?

— Ha.

— O‘zingizni eng yaxshi deb hisoblaysizmi? Agar yo‘q bo‘lsa, kim sizdan kuchli?

— Yo‘q. Eng yaxshisi — R9, ya’ni braziliyalik Ronaldo, — dedi 38 yoshli futbolchi.

Karim Benzema yaqinda Saudiya Arabistonining «Al-Hilol» klubini tark etib, erkin agentga aylandi. U avval «Al-Ittihod» sharafini himoya qilgan, Saudiya Arabistoniga ko‘chib o‘tishidan oldin esa 14 yil davomida «Real»da to‘p surgan.