«Real» hujumchisi Kilian Mbappe 2026 yilgi «Oltin to‘p» uchun kurash haqida fikr bildirdi.
«Bu individual mukofot. Unda futbolchining shaxsan nima qilgani baholanadi. Odamlar “u sovrinlarni qo‘lga kiritmadi”, deyishadi, ammo men “Oltin to‘p” uchun bir ovozdan qabul qilingan qarorni hech qachon ko‘rmaganman.
Bu sovrinni 100 foiz ovoz bilan qo‘lga kiritgan futbolchi bor-yo‘qligini ham bilmayman. Demak, har doim futbolchi bu mukofotga loyiq emas, deb hisoblaydigan kimdir topiladi.
Men jahon chempionatlari tarixidagi eng yaxshi to‘purarga aylandim. Eng muhim turnirda buyuk afsonalardan o‘zib ketdim. Buni e’tiborsiz qoldirib bo‘lmaydi. Bu butun dunyo miqyosidagi voqea. Har doim munosiblar taqdirlanishi kerak.
Kimga ovoz bergan bo‘lardim? O‘zimga. Ammo boshqaga ovoz beradiganlarni ham tushunaman, axir bizda diktatura emas», — deya Mbappening so‘zlarini keltiradi Marca.
