“Qo‘qon-1912” – “Olmaliq” uchrashuvidan keyin o‘tkazilgan matbuot anjumanining ikkinchi qismida jamoamiz ustozi No‘’mon Hasanov ishtirok etdi.

O‘yin tug‘irisida aytadigan bo‘lsak, shogirdlarim bugun yaxshi o‘ynashdi. Chempionat yakunlandi. Mavsum davomida yaxshi o‘yinlar bo‘ldi, xatolar ham bo‘ldi.

Xatolarimizdan xulosa chiqarish uchun vaqt bo‘ladi. Futbolda shunday hodisalar uchrab turadi. Ikkinchi davrada tarkibni kuchaytira olmadik.

11 nafar futbolchi bilan butun mavsum davomida o‘ynab bo‘lmaydi. Zaxirada o‘yinni kuchaytira oladigan o‘yinchi yetishmadi. Maqsadimiz Qo‘qon futbolini ko‘tarish edi. Oz bo‘lsa-da, niyatimizga yetdik.

Birinchi davrada peshqadamlar safida yurdik. Lekin mavsumni yaxshiroq o‘rinda yakunlamaganimizdan afsusdaman. Albatta bizga qulay shariotilarni yaratib berishgani, qo‘llab turishgani uchun raxbarlarimizga, homiylarimizga minnatdorchilik bildiraman.

Futbolchilarimiz va muxlislarimizga ham rahmat aytaman. Ishqibozlarimiz mavsvum davomida bizni tinmay qo‘llab turishdi. O‘ylamanki Qo‘qonda futbol yildan-yilga rivojlanib boradi.