Avval xabar berilganidek, O‘zbekiston Futbol Federasiyasi xodimlar malakasini oshirish, o‘z kasbining mutaxassisi bo‘lgan insonlar federasiya tarkibida ishlashini ta’minlash maqsadida, o‘zbekistondagi murabbiylar, hakamlar va viloyat futbol federasiyalari xodimlarini attestasiyadan o‘tkazilishi belgilangandi.
Shunga ko‘ra, shu yilning 6-7 dekabr kunlari Toshkent shahrida 25 nafar yosh hakamlarni attestasiyadan o‘tkazish ishlari olib boriladi. Attestasiyada xakamlar jismoniy tayyorgarlik hamda futbol o‘yini qoidalari bo‘yicha sinovdan o‘tadilar va video materiallardan tayyorlangan testlarni topshiradilar.
Shuningdek, 15-16 dekabr kunlari Toshkent shahrida Oliy va Birinchi liga bosh hakamlari hamda Oliy liga laynsmenlarini attestasiyadan o‘tkazish jarayoni bo‘lib o‘tadi.
2018 yilning 10 yanvaridan 20 fevraliga qadar bo‘lgan davrda Birinchi Liga yordamchi hakamlari va dastlabki sinovdan o‘tgan yosh hakamlar va hakamlar inspektorlari attestasiyadan o‘tishadi.
Kelasi yilning 10-20 fevral kunlari Oliy liga xakamlari uchun Turkiyaning Antaliya shahrida o‘quv mashg‘ulot yig‘ini tashkillashtirish ham rejalashtirilgan.
