“Yuventus” klubi sobiq bosh direktori Luchano Moji A Seriyada chempionlik uchun kurash borasida o‘z fikrlarini bildirdi.

“Inter”ni A Seriya favoriti deb hisoblayman, chunki ular yevrokuboklarda qatnashishmaydi va Spalletti jamoani qayta jonlantirdi.

Bundan tashqari, ularni har bir vaziyatni gol bilan yakunlashga qodir bo‘lgan hujumchi bor – Ikardi.

“Napoli”ning Chempionlar ligasidan chiqib ketgani ularga skudetto uchun kurashda yordam bermaydi, chunki Yevropa ligasida ishtirok bundanda ko‘p kuch talab etadi.

“Yuventus” esa hozir g‘alata vaziyatda. Ilgari muvaffaqiyatga erishishga yordam bergan o‘yinchilar, ayni damda bunga qodir emaslar.

“Yuve” va “Napoli” hozircha yaxshi formada emas, shuning uchun “Inter”ga ishonmoqdaman”, – dedi Moji.