1 dekabrda bo‘lib o‘tadigan 2018 yilgi jahon chempionati final bosqichiga qur’a tashlash marosimiga tashrif buyuradigan afsonalar nomi ma’lum bo‘ldi.

Bu afsonalar Gari Lineker va Mariya Komandnayaga bevosita yordam berishadi. Mundiallar tarixidagi eng yaxshi to‘purar — Miroslav Kloze esa kubokni sahnaga olib chiqadi. Demak, mazkur marosimga tashrif buyuradigan afsonalar bilan tanishing: Sami Al-Jabir (Saudiya Arabistoni), Dmitriy Alenichev (Rossiya), Tomas Bertold (Germaniya), Tomas Brolin (SHvesiya), Emilio Butragenyo (Ispaniya), Xorxe Kampos (Meksika), Chxa Bom Gin (Janubiy Koreya), Ali Dayei (Eron), Rinat Dasayev (Rossiya), Xulio Deli Valdes (Panama), Marsel Desayi (Fransiya), Korin Dyakr (Fransiya), Didye Drogba (Kot-d'Ivuar), Samuel Eto’O (Kamerun), Serxio Goykochea (Argentina), Xasan Xusam (Misr), Rene Igita (Kolumbiya), Nvankvo Kanu (Nigeriya), Aleksandr Kerjakov (Rossiya), Karina Leblan (Kanada), Mexdi Maxdavikiya (Eron), Kasuyosi Miura (YAponiya), Paolo Montero (Urugvay), Jey Jey Okocha (Nigeriya), Pak Chji Sun (Janubiy Koreya), Pele (Braziliya), Ronaldinyo (Braziliya), Ronaldo (Braziliya), Ugo Sanches (Meksika), Seliya Shashich (Germaniya), Aleks Skott (Angliya), Devid Simen (Angliya), Aleksey Smertin, Dmitriy Sennikov (ikkalasi — Rossiya), Paulo Vanchope (Kosta-Rika), Klarens Zeedorf (Niderlandiya), Peter Shmeyxel (Daniya), Lotar Matteus (Germaniya).